भोटेकोशीको बाढीले थपुवागाउँमा छायो सन्नाटा

बाँके । भोटेकोशी बाढीले गाउँका पाँच जनालाई बेपत्ता पारेपछि बाँकेको नेपालगञ्ज उपमहानगरपालिका–२० मनिकापुरस्थित थपुवागाउँमा घरका आँगनहरू सुनसान बनेका छन्।

हरेक वर्ष तीजको आगमनसँगै छुट्टै रौनक छाउने यस गाउँमा मादलको ताल, रातो सारीको झिलीमिली र आँगनभरि पोखिने सङ्गीतका भाकाहरूले सधैँ गुञ्जायमान बनाउँथ्यो। यो वर्ष भने थपुवाको आकाश अर्कै शोकले ढाकेको छ। मादलका तालहरू थमिएका छन् अनि खुसीका भाकाहरू गहिरो रोदनमा परिणत भएका छन्।