एआईको तीव्र विकास र जोखिमबारे बेलायती राजा चार्ल्सले कम्पनीका प्रमुखहरूसँग छलफल गर्ने

बेलायतका राजा चार्ल्स तृतीयले तीव्र गतिमा भइरहेको कृत्रिम बुद्धिमत्ता (एआई) को विकासबाट उत्पन्न जोखिमबारे छलफल गर्न यसै साता एआई क्षेत्रका प्रमुख कम्पनीका प्रतिनिधिसँग भेटवार्ता गर्ने भएका छन्।

बकिंघम दरबारका अनुसार चार्ल्सले स्कटल्यान्डमा एनभिडिया, गुगल, डिपमाइन्ड, ओपनएआई र एन्थ्रोपिकलगायत प्रमुख एआई कम्पनीका प्रतिनिधि, सरकारी अधिकारी तथा अन्य सरोकारवालासँग छलफल गर्नेछन्।