किम्फमा नेपाली फिल्मको विश्व यात्राबारे अविनाश, मीन र रामकृष्णले गरे विमर्श

जारी काठमाडौं अन्तर्राष्ट्रिय पर्वतीय फिल्म महोत्सव (किम्फ) मा नेपाली सिनेमाको अन्तर्राष्ट्रिय यात्रा र सम्भावनाबारे छलफल गरिएको छ । नेपाल र स्विट्जरल्याण्डबीचको ७० वर्षे कूटनीतिक सम्बन्धको अवसरमा ‘अल्पाइन अलायन्सेज : न्यू वेब अफ नेपाली सिनेमा’ विषयक संवाद कार्यक्रम गरियो ।

महोत्सवको दोस्रो दिन विहिबार आयोजित सत्रमा निर्देशक अविनाशविक्रम शाह, निर्देशक मीनबहादुर भाम र निर्माता रामकृष्ण पोखरेल सहभागी थिए । अन्तर्राष्ट्रिय फिल्म महोत्सव र स्विस फिल्म ल्याबमार्फत विश्व दर्शकमाझ आफ्नो पहिचान बनाएका उनीहरूले नेपाली सिनेमाको बदलिँदो स्वरूप र अनुभवबारे चर्चा गरे ।