सडक बिस्तारका लागि रुख काटिँदै

दाङको घोराही तुलसीपुर सडक चारलेन बनाउन जिल्लास्थित वन डिभिजन कार्यालयले रुख काट्न आदेश दिएको छ। वन कार्यालयका सूचना अधिकारी भक्तबहादुर चौधरीले घोराहीबाट तुलसीपुरसम्म ५९ वटा रुख काट्नु पर्ने बताएका छन्। घोराही तुलसीपुर खण्डमा २० वटाभन्दा बढी पिपलका रुख काट्नुपर्ने अवस्था आएपछि अहिले उक्त काम अगाडी बढेको छ।

विद्युतका खम्बा हटाउने र रुख काट्ने काम सकिएपछि उक्त सडकले चारलेनमा बन्ने कार्य अगाडी बढ्ने निर्माण कम्पनी श्री दिवाबन्दना भगवती जेभिका इञ्जिनियर सुनिल ढुङ्गानाले बताए । उनको अनुसार केही स्थानमा विद्युतका खम्बा पनि हटाइएको छ। सडक निमार्णको लागि अब घोराहीको सर्रा क्षेत्र र तुलसीपुर क्षेत्रमा विद्युतका खम्बा हटाउन बाँकी रहेको उनले बताए।