भोटेकोशी बाढीपछि अवरुद्ध रसुवा सडक : ‘फड्के’ र ‘तुइन’ थापेर पैदल हिँड्ने बनाइयो

काठमाडौँ- रसुवा–नुवाकोट सडकखण्डमा वैकल्पिक फड्के तथा तुइन निर्माण गरी पैदल आवागमन सञ्चालनमा ल्याइएको छ । फलाखु खोला र स्याफ्रुबेँसीस्थित भोटेकोशी नदीमाथिको पक्की पुल बाढीले बगाएपछि उक्त सडकखण्डमा आवतजावत अवरुद्ध थियो।

आवागमनलाई तत्काल सहज बनाउन वैकल्पिक संरचना निर्माण गरिएको सशस्त्र प्रहरी बलका प्रहरी उपरीक्षक तुलबहादुर भण्डारीले जानकारी दिए । पहिलो चरणमा पैदल यात्राका निम्ति आवागमन सहज बनाउन बेत्रावतीमा बाँस तथा काठ प्रयोग गरी फड्के निर्माण गरिएको छ । स्याफ्रुबेँसीमा फलामे तुइन जडान गरिएको उनले बताए ।