त्रिशूली ‘थ्री’एबाट उद्धार गरिएका सञ्जय फर्किँदा गाउँमा केक काटियो, घरमा मिठाइ बाँडियो

सप्तरी : भोटेकोशी र त्रिशूली नदीको विनाशकारी बाढीपछि जलविद्युत आयोजनाको सुरुङभित्र १० दिनसम्म मृत्युसँग लडेर बाँच्न सफल प्राविधिक सञ्जय साह अन्ततः घर फर्किएका छन्।

त्रिशूली-३ ‘ए’ आयोजनाको सुरुङबाट चामत्कारिक रूपमा जीवितै उद्धार गरिएका ३० वर्षीय साह अस्पतालको उपचारपछि गाउँ आइपुग्दा सप्तरीको तिलाठी कोइलाडी गाउँपालिका शोक भुलेर उत्सवमय बनेको छ।