नेपाल औषधि लिमिटेडको क्षमता बढाएर निशुल्क २५ औषधि उत्पादन गर्ने बनाउने घोषणा

काठमाडौं - सरकारले सरकारी स्वामित्वको नेपाल औषधि लिमिटेडको उत्पादन तथा सञ्चालन क्षमता विस्तार गर्ने घोषणा गरेको छ। अर्थमन्त्री स्वर्णिम वाग्ले ले आर्थिक वर्ष २०८३/०८४ को बजेट वक्तव्य प्रस्तुत गर्दै नेपाल औषधि लिमिटेडलाई थप सुदृढ बनाउँदै सरकारले निशुल्क उपलब्ध गराउने २५ प्रकारका औषधि उत्पादन गर्न सक्षम बनाउने बताएका हुन्।

बजेटमार्फत सरकारले अत्यावश्यक औषधिको स्वदेशी उत्पादन वृद्धि गर्दै आयातमा निर्भरता घटाउने नीति अघि सारेको जनाएको छ। नेपाल औषधि लिमिटेडको उत्पादन क्षमता विस्तारसँगै सरकारी स्वास्थ्य संस्थामा आवश्यक औषधिको आपूर्ति सहज हुने अपेक्षा गरिएको छ।