दलित बालबालिकाको बालपोषण भत्ता दोब्बर, मासिक एक हजार रुपैयाँ पुर्‍याइयो

काठमाडौँ - सरकारले सामाजिक सुरक्षा कार्यक्रमअन्तर्गत देशभरका दलित बालबालिकालाई उपलब्ध गराउँदै आएको बाल पोषण भत्ता दोब्बर बनाउने घोषणा गरेको छ। आगामी आर्थिक वर्षदेखि उक्त भत्ता मासिक एक हजार रुपैयाँ उपलब्ध गराइने भएको छ।

संघीय संसद्को संयुक्त बैठकमा आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले सामाजिक न्याय, समावेशिता र समान अवसरमा आधारित विकासलाई प्राथमिकतामा राखिएको बताए। उनले समाजका लक्षित वर्गका लागि सञ्चालन गरिएका सामाजिक सुरक्षा कार्यक्रमलाई थप प्रभावकारी बनाउँदै लगिने जानकारी दिए।