भोटेकोशी बाढीको कहर : जीडीपीमा ६.६९ प्रतिशत असर

काठमाडौँ । भदौ १० गते रसुवाको भोटेकोशी र त्रिशूली नदीको कोरिडोरमा आएको बाढीले मुलुकको जीडीपीमा ६.६९ प्रतिशत असर पुर्‍याएको छ । रसुवाको माथिल्लो ल्हेन्दे खोला जलाधार क्षेत्रमा खसेको भीषण चट्टान र हिमपहिरोपछि भोटेकोशी र त्रिशूली नदीको कोरिडोरमा आएको बाढीले मुलुकको अर्थतन्त्र, भौतिक पूर्वाधार र जनजीवनमा अपूरणीय क्षति पुर्‍याएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले राष्ट्रिय योजना आयोग तथा सम्बन्धित मन्त्रालयहरूको समन्वयमा तयार पारेको क्षतिको प्रारम्भिक प्रतिवेदनले यस्तो देखाएको छ ।