नास्टलाई राजनीतिक प्रभावबाट मुक्त गर्छौं : मन्त्री महावीर पुन

काठमाडौं । विज्ञान, प्रविधि तथा नवप्रवर्तनमन्त्री महावीर पुनले नेपाल विज्ञान तथा प्रविधि प्रज्ञा प्रतिष्ठान (नास्ट) लाई राजनीतिक हस्तक्षेपबाट मुक्त गर्दै वित्तीय रूपमा स्वायत्त संस्थाका रूपमा विकास गर्ने तयारी भइरहेको बताएका छन् ।

सिंहदरबारमा आइतबार आयोजित ‘नेपाल विज्ञान तथा प्रविधि प्रज्ञा प्रतिष्ठान ऐन, २०४८’ संशोधन तथा एकीकरणसम्बन्धी विधेयकको मस्यौदामाथिको छलफलमा मन्त्री पुनले नास्टको विद्यमान संरचना र कार्यशैलीमा व्यापक सुधार आवश्यक रहेको बताए ।