उत्तर कोरियाको विनाशक हतियार र सैन्य क्षमताको खुला प्रदर्शन

काठमाडौं । उत्तर कोरियाले शनिबार मिसाइल, तोप र ड्रोनहरूसहित लाइभ-फायर सैन्य अभ्यास गरेको छ। यस युद्धाभ्यासका क्रममा एकसाथ गरिएको अन्धाधुन्ध फायरिङले आफ्नो भारी विनाशकारी क्षमताको खुला प्रदर्शन गरेको दाबी सो देशले गरेको छ। अर्कोतर्फ, दक्षिण कोरियाली सेनाले पनि सोही दिन छिमेकी देशको वोन्सान क्षेत्रबाट कम दूरीका ब्यालिस्टिक मिसाइलहरू प्रहार गरिएको पुष्टि गरेको छ।