चिलिमे सुरुङमा उद्धारको काम तीव्र, आजै गन्तव्यमा पुग्ने लक्ष्य

काठमाडौं- राष्ट्रिय स्वतन्त्र पार्टीका सांसद श्रीराम न्यौपानेले चिलिमे क्षेत्रमा सुरुङ खन्ने काम तीव्र रूपमा अघि बढिरहेको बताएका छन्।

उनका अनुसार नेपाली सेनाको टोलीले भारी उपकरणबाट करिब ८० मिटर र हातैले थप ५० मिटर खन्ने काम पूरा गर्दै अगाडि बढिरहेको छ। सुरुङको माथिल्लो भागमा पानी रहेको जानकारी प्राप्त भएकाले पानी निकासको प्रभावकारी व्यवस्थापनसहित आजै गन्तव्यमा पुग्ने लक्ष्य राखिएको उनले बताएका छन्।