एमालेमा जुटेन सहमति, प्रतिवेदनलाई अन्तिम रूप दिन तीन नेतालाई जिम्मेवारी

काठमाडौँ। नेकपा (एमाले) निर्वाचन समीक्षा तथा पार्टी पुनर्गठन कार्यदलको बैठकले दुवै प्रतिवेदन एउटा बनाएर ल्याउन उपाध्यक्ष रामबहादुर थापा‘बादल’, उपाध्यक्ष विष्णु पौडेल र महासचिव शंकर पोखरेललाई जिम्मा दिएको छ ।

काभ्रेको बल्थलीमा दुई दिन बसेको कार्यदल बैठकमा सहमति नजुटेपछि तीन नेतालाई यस्तो जिम्मेवारी दिएको हो । थापा कार्यदलका संयोजक हुन् भने पोखरेल सदस्यसचिव हुन् ।