शिक्षामन्त्री भन्छन्: स्थानीय सुझावका आधारमा शिक्षा प्रणाली र पाठ्यक्रम सुधार्छौँ : मन्त्री पोखरेल

शिक्षा तथा खेलकुदमन्त्री सस्मित पोखरेलले विद्यार्थी, शिक्षक, अभिभावक र स्थानीय समुदायबाट प्राप्त सुझाव तथा गुनासोलाई आधार बनाएर शिक्षा प्रणाली र पाठ्यक्रममा आवश्यक सुधार गरिने बताएका छन् ।

मधेस प्रदेशको भ्रमणका क्रममा सप्तरीका विभिन्न विद्यालयमा पुगेर विद्यार्थी, शिक्षक तथा अभिभावकसँग प्रत्यक्ष संवाद गरेका मन्त्री पोखरेलले शिक्षा सुधारका लागि विद्यार्थीका सुझाव र गुनासो महत्वपूर्ण रहेको बताए । उनले प्राप्त सुझावलाई समेटेर विद्यमान पाठ्यक्रममा आवश्यक परिवर्तन गर्दै नयाँ पाठ्यक्रम निर्माणको प्रक्रिया अघि बढाइने जानकारी दिए ।