गार्डिओला गए, सिटी कमजोर भएन : म्यानचेस्टर डर्बीमा युनाइटेड फेरि निरीह

म्यानचेस्टर- म्यानचेस्टर सिटीमा १० वर्ष बसेपछि प्रशिक्षक पेप गार्डियोला गए सिजन बाहिरिए। तर उनी गए पनि म्यानचेस्टरको फुटबलमा शक्तिको सन्तुलन फेरिएको छैन। आइतबार ओल्ड ट्राफोर्डमा सिटीले म्यानचेस्टर युनाइटेडलाई १–० ले हराउँदै सहरमा आफ्नो दबदबा कायमै रहेको स्पष्ट संकेत दिएको छ।

नयाँ प्रशिक्षक एन्जो मारेस्काको रणनीतिले माइकल क्यारिकलाई माथ दिँदा सिटीले १० खेलाडीमा सीमित भएर पनि कठिन जित निकाल्यो। यो जितसँगै सिटी लिगको शीर्षस्थानमा रहेको आर्सनलसँग गोलअन्तरका आधारमा दोस्रो स्थानमा पुगेको छ । सिटीले नयाँ सिजनमा आफ्नो शतप्रतिशत सुरुआत कायमै राखेको छ।