कटारी नगरपालिकाको बजेट : स्टार्टअप कर्जादेखि, नगर अस्पताल सञ्चालनसम्म

८ असार, उदयपुर । युवालाई उद्यमशीलतामा जोड्ने, स्वास्थ्य सेवालाई स्थानीयस्तरमै सुदृढ बनाउने र दुर्गम बस्तीलाई बाह्रै महिना सडक सञ्जालसँग जोड्ने लक्ष्यसहित कटारी नगरपालिकाले आगामी आर्थिक वर्ष २०८३/८४ का लागि ९७ करोड ४६ लाख रुपैयाँभन्दा बढीको बजेट सार्वजनिक गरेको छ।

आइतबार सम्पन्न १७औँ नगरसभामा नगर प्रमुख राजेशचन्द्र श्रेष्ठले प्रस्तुत गरेको बजेटले परम्परागत पूर्वाधार निर्माणलाई मात्र होइन, आर्थिक अवसर सिर्जना, डिजिटल सुशासन र गुणस्तरीय सेवा प्रवाहलाई समेत प्राथमिकतामा राखेको छ।