अभिषेक गिरीलाई कारबाहीको माग राख्दै कारागारभित्रै कैदीबन्दीको प्रदर्शन

विराटनगर। मोरङ जिल्ला कारागारका कैदीबन्दीहरूको सरकारी भत्ता र श्रमको पारिश्रमिक अवैध रूपमा असुली गरेको आरोपमा अभिषेक गिरी पक्राउ परेका छन्। गिरीको गिरफ्तारीसँगै मोरङ कारागारभित्र शनिबार कैदीबन्दीहरूले प्रदर्शनसमेत गरेका छन्।

कैदीबन्दीलाई सरकारले उपलब्ध गराउने जाडो र गर्मीको कपडा भत्ता दुरुपयोग गरेको आरोपमा गिरीलाई शनिबार बिहान प्रहरीले नियन्त्रणमा लिएको हो। गिरी पक्राउ परेपछि कारागारभित्रका कैदीबन्दीहरूले ‘अभिषेक गिरीको दमन कहिलेसम्म ?’ लगायत मागसहित प्लेकार्ड प्रदर्शन गरेका थिए।