स्मार्ट चस्माको बढ्दो प्रयोगसँगै गोपनीयताको प्रश्न, सार्वजनिक स्थानमा रेकर्डिङ कति सुरक्षित ?

काठमाडौं । क्यामेरा, इन्टरनेट र कृत्रिम बुद्धिमत्ता (एआई) एकैपटक प्रयोग गर्न मिल्ने स्मार्ट चस्मा पछिल्लो समय तीव्र गतिमा लोकप्रिय बन्दै गएको छ । फोन गर्नेदेखि एआईसँग कुराकानी गर्ने, फोटो–भिडियो खिच्ने र आँखाअगाडिका वस्तु वा अक्षर पहिचान गर्नेसम्मका सुविधा एउटै चस्मामा उपलब्ध हुन थालेका छन् ।

तर, सुविधा बढेसँगै यसको प्रयोगले नयाँ किसिमको गोपनीयता चुनौती समेत सिर्जना गरेको छ । विशेष गरी सार्वजनिक स्थानमा वरपरका मानिसलाई जानकारी नदिई भिडियो खिच्न सकिने सम्भावनाले सहमति, व्यक्तिगत गोपनीयता र सुरक्षाको विषयलाई बहसको केन्द्रमा ल्याएको छ ।