उदयपुरको हडियामा व्यावसायिक खरबुजा खेती

उदयपुर। उदयपुरको चौदण्डीगढी नगरपालिका ९‚ हडियामा व्यावसायिक खरबुजा खेती आकर्षणको केन्द्र बन्दै गएको छ।

केही वर्षअघि नदी कटानका कारण उपयोगविहीन बनेको बालुवायुक्त जमिन अहिले हरियालीले भरिएको छ। स्थानीय युवा कृषक पुलकित चौधरीले करिब ६ बिगामा खरबुजा खेती सुरु गर्दै उदाहरणीय काम गरेका हुन्। गर्मी मौसममा अत्यधिक रुचाइने फल खरबुजाको माग बढिरहेका बेला यस वर्ष मात्रै करिब तीन हजार केजीभन्दा बढी उत्पादन भएको चौधरीले बताए।