चौरचन र तीज एकै दिन परेपछि मिथिलामा बढ्यो पर्वको रौनक

धनुषा । चौरचन र हरितालिका तीज एकै दिन परेपछि मिथिला क्षेत्रमा पर्वको रौनक थपिएको छ । पर्व नजिकिएसँगै घरघरमा तयारी तीव्र बनेको छ भने बजारमा फलफूल, पूजा सामग्री, मिठाई तथा नयाँ कपडाको किनमेल बढेको छ ।

क्षीरेश्वरनाथ नगरपालिका–४ हरैयाका रामप्रबोध पण्डितलाई यतिबेला माटाका भाँडा बनाउन भ्याइनभ्याइ छ । बिहानदेखि चाकामा माटो घुमाउँदै भाँडा बनाइरहेका उहाँका छेउमा तयार भइसकेका भाँडाको थुप्रो लागिसकेको छ ।