आरजुविरुद्धको उजुरी पछि जगाउने गरी तत्कालका लागि ‘मुलतबी’मा

काठमाडौं । अख्तियार दुरुपयोग अनुसन्धान आयोगले राहदानी छपाइमा भएको भ्रष्टाचार प्रकरणमा पूर्वपरराष्ट्रमन्त्री डा. आरजु राणा देउवाको विषयमा विशेष अदालतको निर्णयपछि मात्र अनुसन्धान गर्ने भएको छ ।

अख्तियार स्रोतका अनुसार राहदानी छपाइ प्रकरणको ठेक्का प्रक्रियामा भ्रष्टाचारजन्य कार्यमा आशंका रहे पनि पछि भिन्नै अनुसन्धान गर्ने गरी हालका लागि उजुरी मुलतबीमा राखिएको छ । "अदालतको निर्णयपछि के हुन्छ, सोही अनुरुप अनुसन्धान गर्ने गरी तत्काललाई उजुरी मुलतबीमा रहेको छ," अख्तियार स्रोतले बाह्रखरीलाई बतायो ।