रास्वपा सांसदहरूले उद्धार कोषमा जनही थप १५ हजार दिने

काठमाडौं- राष्ट्रिय स्वतन्त्र पार्टी (रास्वपा)का संसदीय दलका सदस्यहरूले प्रधानमन्त्री दैवी प्रकोप उद्धार कोषमा जनही थप १५ हजार रुपैयाँ योगदान गर्ने भएका छन्।

मुख्य सचेतक कविन्द्र बुर्लाकोटीका अनुसार सांसदहरूबाट न्यूनतम १५ हजारका दरले करिब २७ लाख १५ हजार रुपैयाँ कोषमा जम्मा हुनेछ। यसअघि रास्वपाले पार्टीको तर्फबाट कोषमा ५० लाख रुपैयाँ योगदान गर्ने निर्णय गरिसकेको छ।