विष्णु पौडेललाई नेपालगन्जकाे प्रहरी तालिम केन्द्रमा राखिने, भोलि बिहानै काठमाडौँ

रुपन्देही । सम्पत्ति शुद्धीकरण मुद्दामा सुर्खेत प्रहरीद्वारा पक्राउ गरिएका एमाले उपाध्यक्ष विष्णु पौडेललाई आज नेपालगन्जस्थित प्रहरीको कर्णाली प्रदेश तालिम केन्द्रमा राखिने भएको छ ।

प्रहरीस्रोतका अनुसार नेपालगन्ज विमानस्थलमा राति पार्किङ हुने र भोलि बिहान पहिलो उडान गर्ने जहाजमा उनलाई काठमाडौँ पठाउने तयारी छ । आज राति कुन जहाज उक्त विमानस्थलमा रात्रिकालीन पार्किङ हुन्छ भन्ने बुझेपछि सोही जहाजको पहिलो उडानबाट पौडेललाई काठमाडौँ पठाइने स्रोतले जनाएको छ ।