पार्टी प्रवेश गरेसँगै उज्यालो नेपालको महासचिव बने दिवाकर अर्याल

काठमाडौं : युवा अभियन्ता दिवाकर अर्याल उज्यालो नेपाल पार्टीको महासचिवमा नियुक्त भएका छन्। आइतबार बसेको पार्टीको केन्द्रीय सचिवालय बैठकको निर्णयअनुसार अध्यक्ष कुलमान घिसिङले सोमबार दिवाकरलाई पार्टी प्रवेश गराउँदै उक्त जिम्मेवारी सुम्पिए।

उनीसँगै कैलाश श्रेष्ठ, सुशील कार्की, कृष्ण रेउले, कालीप्रसाद चटौत, विष्णु पराजुली र दुर्गा अर्याल केन्द्रीय सदस्यका रूपमा पार्टी प्रवेश गरेका छन्। नवप्रवेशहरूलाई स्वागत गर्दै अध्यक्ष घिसिङले युवाहरूको अनुभव र क्षमतालाई मूल्याङ्कन गरेर जिम्मेवारी दिइएको बताए।