तनहुँमा ३१ जनाको शव फेला

रसुवाको भोटेकोशी नदीमा आएको भीषण बाढीले बगाएका व्यक्तिको खोजीका क्रममा तनहुँमा हालसम्म ३१ जनाको शव भेटिएको छ ।

बाढीले बगाएर त्रिशूली नदी हुँदै तनहुँसम्म आइपुगेका शव देवघाट गाउँपालिका र आँबुखैरेनी गाउँपालिका क्षेत्रबाट भेटिएको जिल्ला प्रहरी कार्यालय तनहुँले जनाएको छ । प्रहरीका अनुसार भदौ १० गते आँबुखैरेनी र देवघाट गाउँपालिका क्षेत्रबाट नौ जनाको शव फेला परेको थियो । ती शवलाई पहिचान तथा आवश्यक प्रक्रियाका लागि गण्डकी अस्पताल पोखरा पठाइएको थियो ।