सुकुम्बासी बस्ती रहेको क्षेत्रमा पार्क, हरियाली क्षेत्र, करिडोर विस्तार तथा नदीको बहाव क्षेत्र बढाउने योजना

सरकारले काठमाडौं उपत्यकाका विभिन्न स्थानबाट हटाइएका सुकुम्बासी बस्ती रहेको क्षेत्रमा पार्क, हरियाली क्षेत्र, करिडोर विस्तार तथा नदीको बहाव क्षेत्र बढाउने योजना अघि सारेको छ। यसका लागि आगामी आर्थिक वर्ष २०८२/८३ मा तीन अर्ब रुपैयाँ बजेट विनियोजन गरिएको छ।

पूर्वाधार विकास मन्त्रालयका सहसचिव तथा एकीकृत बागमती सभ्यता विकास समितिका सदस्य सचिव मच्चाकाजी महर्जनका अनुसार उक्त बजेट नदी नियन्त्रण, ढल निकास प्रणाली सुधार, हरियाली प्रवर्द्धन, पार्क निर्माण तथा करिडोर विस्तारमा खर्च गरिनेछ।