कृषिदेखि एआईसम्म सीप सिकाउँदै रोजगारी दिने तयारीमा सरकार

काठमाडौं । युवा, श्रम तथा रोजगार मन्त्रालयले निजी क्षेत्रको सहकार्यमा आन्तरिक रोजगारी सिर्जना गर्न र सीपमूलक तालिमलाई प्रत्यक्ष रोजगारीसँग जोड्न ‘सीप तथा रोजगार मेला’ सञ्चालन गर्ने तयारी थालेको छ।

मन्त्रालय, राष्ट्रिय व्यावसायिक प्रशिक्षण प्रतिष्ठान (एनएभिटी) तथा निजी क्षेत्रका प्रतिनिधिहरूबिच आन्तरिक रोजगारी प्रवर्द्धन र श्रम बजार व्यवस्थित गराउन आज एक बृहत् छलफल गरिएको छ।