इंग्लिस प्रिमियर लिग : आर्सनल सहज बन्दा लिभरपुल र भिल्ला दबाबमा

लन्डन । इंग्लिस प्रिमियर लिगको नयाँ सिजन दोस्रो साताको खेलमा प्रवेश गर्दा तीन टिममाथि सबैको नजर हुनेछ। त्यसमा एक आर्सनल, अर्को टोटनहम र लिभरपुल भए। सायद केही हदसम्म आर्सनलभन्दा पनि एस्टन भिल्लामाथि सबैको ध्यान हुनेछ। किनभने इमिरेट्स भ्रमणमा निस्कन लागेको भिल्ला वास्तवमै चर्को दबाबमा छ।

त्यसैले अनुमान छ, भिल्लाको चोटमा अझ गहिरो आघात पुर्‍याउने योजनामा आर्सनलको हुनेछ। उत्तरी लन्डन टिमका लागि इजरी कोन्साले ‘डेब्यु’ गर्न सक्नेछन्। त्यो पनि भिल्ला पार्क छाडेयता पहिलो पटक। भिल्ला छाड्ने केही प्रमुख खेलाडीमा कोन्सा पनि पर्छन्। उनी यसै साता आर्सनल लागेका हुन्। गत सिजन युरोपा लिग जित्दै प्रिमियर लिगमा चौथो स्थानमा रहेको भिल्ला यति बेला छिन्नभिन्न स्थितिमा छ।