धनुषामा पेस्तोलसहित दुई युवक पक्राउ

जनकपुरधाम । धनुषामा पेस्तोलसहित दुई युवकलाई प्रहरीले पक्राउ गरेको छ । शनिबार (असार १३) जनकपुर उपमहानगरपालिका–९, थापाचोकबाट एकथान पेस्तोलसहित उनीहरूलाई पक्राउ गरिएको जिल्ला प्रहरी कार्यालय धनुषाले प्रहरीले जनाएको छ ।

पक्राउ पर्नेमा धनुषाकै मुखियापट्टी मुसहरनिया गाउँपालिका–४ का २० वर्षीय अमन यादव र हंसपुर नगरपालिका–६ का १८ वर्षीय सुधीर मुखिया रहेका प्रहरी निरीक्षक मनोज यादवले जानकारी दिए ।