एम्बाप्पेको गोलमा इराकविरुद्ध फ्रान्सलाई सुरुवाती अग्रता

काठमाडौँ । फिफा विश्वकप २०२६ को समूह ‘आई’ अन्तर्गत जारी आफ्नो दोस्रो खेलमा फ्रान्सले इराकविरुद्ध सुरुवाती अग्रता लिएको छ । नेपाली समय अनुसार मंगलबार बिहान २ः४५ बजे सुरु भएको खेलमा फ्रान्सले १४ औँ मिनेटमै गोल गर्दै आफ्नो दबाब कायम गरेको हो ।

फ्रान्सका लागि कप्तान तथा स्टार स्ट्राइकर किलियन एम्बाप्पेले गोल गर्दै टोलीलाई १–० को अग्रता दिलाएका हुन् । खेल सुरु भएको १४ औँ मिनेटमा उनले सानदार गोल गर्दै फ्रान्सलाई सुखद सुरुवात दिलाए । इराकका डिफेन्डरहरूलाई छक्याउँदै एम्बाप्पेले बललाई जाली चुमाएका थिए ।