राष्ट्रिय टेबल टेनिस : जुनियरतर्फ जयस्नु र प्राज्नालाई स्वर्ण

काठमाडौं । नेपाल आर्मीका जयस्नु महर्जन र नेपाल प्रहरीकी प्राज्ना महर्जनले ४२औँ राष्ट्रिय टेबल टेनिस च्याम्पियनसिपमा शुक्रबार स्वर्ण जितेका छन् । जुनियर यू–१९ अन्तर्गत सिंगल्सको ब्वाइजमा जयस्नु र गर्ल्समा प्राज्नाले स्वर्ण जितेका हुन् ।

लैनचौरस्थित राष्ट्रिय टेबल टेनिस प्रशिक्षण केन्द्रमा भएको ब्वाइज फाइनलमा जयस्नुले वाग्मती प्रदेशका रिजन शाक्यलाई ११–७, ११–२ र ११–८ ले पराजित गरे । गण्डकी प्रदेशका समीर खत्री तथा एपीएफका निश्चल थापा तेस्रो भए ।