बाढी–पहिरोले विभिन्न राजमार्ग अवरुद्ध, वैकल्पिक मार्गबाट आवागमन

लगातारको वर्षासँगै आएको बाढी र पहिरोका कारण देशका विभिन्न स्थानमा मुख्य तथा सहायक राजमार्ग अवरुद्ध भएका छन्। सडक अवरुद्ध भएपछि यात्रु तथा सवारीसाधनको आवागमन प्रभावित भएको छ भने जोखिमयुक्त सडकखण्डमा सुरक्षा सतर्कता बढाइएको छ।

प्रहरी प्रधान कार्यालयका अनुसार काठमाडौँ उपत्यकासहित कोशी, बागमती, लुम्बिनी र कर्णाली प्रदेशका विभिन्न सडकखण्डमा बाढी तथा पहिरोका कारण यातायात प्रभावित भएको हो। कतिपय सडकखण्ड पूर्ण रूपमा अवरुद्ध छन् भने केही स्थानमा एकतर्फी रूपमा मात्र सवारी सञ्चालन भइरहेको छ।