यी हुन् रसुवा बाढीमा बेपत्ता भएका २७ प्रहरी

काठमाडौं । चीनको समावर्ती क्षेत्र तिब्बततर्फबाट बुधबार बिहान रसुवाको भोटेकोशी नदीमा आएको विनाशकारी बाढीमा परेर बेपत्ता भएका प्रहरीको सूची नेपाल प्रहरीले सार्वजनिक गरेको छ ।

प्रहरीले सार्वजनिक गरेको सूचीअनुसार २७ जना अझै बेपत्ता भएका छन् भने १ जनाको भने शव भेटिएको छ । शव भेटिनेमा प्रहरी चौकी बेत्रावतीमा कार्यरत असई रामकाजी पौडेल छन् । उनलाई बाढीको सूचना माईकिङ गर्ने क्रममा बगाएको थियो । उनको शव सनाखत गरेर आफन्तले बुझिसकेका छन् ।