अर्थतन्त्रमा बाढीको चापबीच २१ बुँदे पुँजी बजार पुनरुत्थान कार्ययोजना जारी

काठमाडौँ। अर्थ मन्त्रालयले बजारमा देखिएको शिथिलता हटाउन २१ बुँदे ‘पुँजी बजार सुदृढीकरण तथा पुनरुत्थान कार्ययोजना, २०८३’ सार्वजनिक गरेको छ। भोटेकोशी बाढीले मानवीय र जलविद्युत् पूर्वाधारमा पारेको चापबीच बैंकमा आधारित वित्तीय प्रणालीलाई बजारमा आधारित बनाउँदै सुधारको यो कदम चालिएको हो।

कार्ययोजनाअनुसार पुस मसान्तभित्र प्राथमिक बजारमा विशिष्ट योग्यता र मूल्य अन्वेषण प्रणाली लागू हुनेछ भने हालको नेप्से सूचकाङ्कलाई ‘अल इक्विटी इन्डेक्स’ कायम गर्दै मङ्सिर मसान्तसम्म नयाँ बेन्चमार्क इन्डेक्स प्रयोगमा ल्याइनेछ।