राजीनामा मागपछि दबाबमा रहेका ओलीले तल्लो तहसम्म जारी गरेको अर्को लिखत

काठमाडौ–ं नेकपा (एमाले) का अध्यक्ष केपी शर्मा ओलीले पार्टीभित्र आन्तरिक सर्कुलर (अन्तरपार्टी निर्देशन–२) जारी गर्दै वर्तमान राजनीतिक परिदृश्य र गत फागुन २१ गते सम्पन्न मध्यावधि निर्वाचनबारे गम्भीर एवं समीक्षात्मक टिप्पणी गरेका छन्।

शुक्रबार जारी गरिएको उक्त ‘अपानि’मा अध्यक्ष ओलीले पुराना र स्थापित राजनीतिक दलहरूलाई सिध्याउन योजनाबद्ध षड्यन्त्र भइरहेको दाबी मात्र गरेका छैनन्, एमाले चुनावमा जानुको पछाडि आफ्नो इच्छा नभई ‘बाध्यता’ रहेको सनसनीपूर्ण प्रष्टोक्ति समेत दिएका छन्।