५० युनिटभन्दा बढी विद्युत खपतमा भ्याट लगाउने निर्णय तत्काल फिर्ता गरियोस् – कुलमान घिसिङ

काठमाडौं । सरकारले आगामी आर्थिक वर्ष २०८३/८४ को बजेटमार्फत विद्युत खपतमा अतिरिक्त कर लगाउने निर्णय गरेको प्रति उज्यालो नेपाल पार्टीले कडा आपत्ति जनाएको छ।

पार्टीका अध्यक्ष कुलमान घिसिङले आज ५० युनिटभन्दा बढी विद्युत खपत गर्ने उपभोक्तामाथि ५ प्रतिशत मूल्य अभिवृद्धि कर लगाउने निर्णय तत्काल फिर्ता लिन माग गरेका हुन् । उनले सामाजिक सञ्जालमार्फत भनेका छन्, “खाना पकाउने, पानी तताउने जस्ता घरायसी प्रयोजनमा विद्युतको प्रयोगलाई प्रोत्साहन गर्नुपर्ने बेला सरकारले उल्टै करको भार थपेर उपभोक्तालाई दण्डित गर्न खोजेको देखिन्छ ।”