रास्वपा महाधिवेशनः १० बजेपछि मतदाता नामावली प्रकाशन, सभापतिदेखि केन्द्रीय सदस्यसम्मकै उम्मेदवारी खुल्ने

चितवन । प्रतिनिधि नामावली टुंगो नलागेर सोमबारदेखि अवरुद्ध रास्वपा महाधिवेशन आज बिहानबाट सुचारु हुने भएको छ । न्यायिक समितिका नेता यज्ञमणि न्यौपानेका अनुसार १० बजेपछि मतदाता नामावली प्रकाशन हुने भएको छ ।

मतदाता नामावलीको प्रकाशनसँगै निर्वाचन प्रक्रिया शुरू गरिने उनले बताए । त्यसपछि मतदाता नामावलीमा दावी–विरोधको समय दिइने भएको छ । त्यसलगत्तै उम्मेदवारी दर्ता शुरू गर्ने तयारी छ । न्यौपानेका अनुसार पार्टी सभापतिदेखि केन्द्रीय सदस्यसम्मको उम्मेदवारी दर्ता खोल्ने सहमति भएको छ ।