चक्कु प्रहार गरी भक्तपुरमा एक जनाको हत्या

भक्तपुर । भक्तपुर नगरपालिका–१, नगरकोट क्षेत्रमा सामान्य विवादले उग्र रूप लिँदा एक युवकको ज्यान गएको छ। गएराति करिब १० बजेतिर भएको झडपका क्रममा चक्कु प्रहारबाट एक जना गम्भीर घाइते भएका थिए।

महोत्तरीको मिथिला नगरपालिका–९ स्थायी घर भएका तथा हाल नगरकोट मोडमा बसोबास गर्दै आएका २८ वर्षीय आकाश रसाइलीमाथि आक्रमण भएको प्रहरीले जनाएको छ। घटनापछि गम्भीर अवस्थामा रहेका उनलाई उपचारका लागि काठमाडौं मेडिकल कलेज (केएमसी) अस्पताल, सिनामंगल लगिएको थियो। उपचारकै क्रममा आज बिहान ६:१५ बजे उनको मृत्यु भएको अस्पताल स्रोतले जनाएको छ।