क्यारिकको रणनीतिमाथि प्रश्न

आफ्नै मैदानमा १० खेलाडीमा सीमित प्रतिद्वन्द्वीसँग पनि जित निकाल्न असफल म्यानचेस्टर युनाइटेडका प्रशिक्षक माइकल क्यारिकमाथि प्रश्न उठ्न थालेका छन्।

पछिल्ला १० महिनाभित्र तेस्रोपल्ट युनाइटेडले पहिलो हाफमै एक खेलाडी गुमाएको टोलीसँग हार बेहोरेको छ। आइतबार राति यस्तै नतिजा युनाइटेडले म्यानचेस्टर डर्बीमा सामना गर्‍यो। सिटीसँग घरेलु मैदानमा १-० को हारपछि युनाइटेडको प्रदर्शन, रणनीति, खेलाडी छनोटदेखि प्रशिक्षक क्यारिकको निर्णय क्षमतासम्म बहस सुरु भएको छ। उक्त खेलमा एर्लिङ हालान्डको एक मात्र गोल निर्णायक रह्यो। जुन गोलसँग जोडिएको निर्णयलाई लिएर प्रो रेफले युनाइटेडसँग औपचारिक रूपमा माफी मागेको घटनाले पनि चर्चा पाइरहेको छ। त्यसलाई ‘निर्णयमा भएको त्रुटि’ भनेको छ। तर, हारको जिम्मेवारी रेफ्रीको निर्णयमा मात्र सीमित नरहने देखिएको छ।