सुर्तीजन्य वस्तुमा कर वृद्धि : भेपमा ५५ प्रतिशत, चुरोट बिँडीमा कति बढ्यो ?

काठमाडौँ । सरकारले आगामी आर्थिक वर्ष २०८३/८४ का लागि प्रस्तुत गरेको आर्थिक विधेयक मार्फत सुर्तीजन्य पदार्थमा लाग्ने अन्तःशुल्कमा वृद्धि गरेको छ । गत वर्ष (२०८२) को तुलनामा चुरोट, बिँडी, खैनी, गुट्खा र विद्युतीय चुरोट (भेप) को करको दर बढाउँदै सरकारले सुर्तीजन्य पदार्थको उपभोग निरुत्साहित गर्ने र राजस्व बढाउने नीति लिएको छ ।

नयाँ विधेयक अनुसार चुरोटको लम्बाइका आधारमा करको दर बढाइएको छ । ७० मि.मि. सम्मको चुरोटमा प्रति हजार खिल्ली १७९२ रुपैयाँबाट बढाएर १८४५ रुपैयाँ पुर्‍याइएको छ भने ७० देखि ७५ मि.मि. सम्मको चुरोटमा २४९० रुपैयाँ कर तोकिएको छ । त्यसैगरी, ८५ मि.मि. भन्दा लामो चुरोटमा गत वर्षको ४४१० रुपैयाँबाट वृद्धि गरी ४५७८ रुपैयाँ कायम गरिएको छ । सिगार र सिगारिलोको हकमा पनि प्रति खिल्ली ३१ रुपैयाँबाट बढेर ३५ रुपैयाँ पुगेको छ, जसले गर्दा बजारमा चुरोटको मूल्य महँगिने निश्चित छ ।