धादिङ गल्छीका बाढीपीडितलाई ऋषि धमलाद्वारा राहत वितरण

धादिङ । वरिष्ठ पत्रकार तथा स्वतन्त्र नागरिक अभियान नेपालका संयोजक ऋषि धमलाले धादिङको गल्छी गाउँपालिका–६ का बाढी प्रभावित परिवारलाई राहत सामग्री वितरण गरेका छन्। सोमबार साँझ गल्छी पुगेर धमलाको टोलीले प्रभावित परिवारलाई विभिन्न खाद्यान्न तथा अत्यावश्यक सामग्री हस्तान्तरण गरेको हो।

राहत सामग्री हस्तान्तरण गर्दै धमलाले बाढीबाट प्रभावित परिवारलाई तत्काल राहतसँगै दीर्घकालीन पुनर्स्थापनामा जोड दिएका छन् । विपत्तिका कारण घरबार तथा जीविकोपार्जन गुमाएका परिवारलाई सामान्य अवस्थामा फर्काउन राज्य, स्थानीय तह र नागरिकस्तरबाट समेत निरन्तर पहल आवश्यक रहेको उनलेव बताए ।