केनेडी सेन्टरको नियन्त्रण संसद्लाई सुम्पिने ट्रम्पको घोषणा

१६ जेठ, काठमाडौं । अमेरिकाका राष्ट्रपति डोनाल्ड ट्रम्पले ‘केनेडी सेन्टर’ को नियन्त्रण कङ्ग्रेसलाई हस्तान्तरण गर्ने घोषणा गरेका छन् । वासिङ्टनस्थित यस प्रसिद्ध केन्द्रबाट ट्रम्पको नाम हटाउन र जीर्णोद्धारका लागि केन्द्र बन्द गर्ने उनको योजना रोक्न अदालतले आदेश दिएपछि राष्ट्रपतिले यस्तो कदम चालेका हुन् ।

ट्रम्पले सामाजिक सञ्जालमार्फत अमेरिकी वाणिज्य विभागलाई यस संस्थाको सञ्चालन, मर्मतसम्भार र व्यवस्थापनको पूर्ण जिम्मेवारी कङ्ग्रेसलाई सुम्पिन आवश्यक व्यवस्था मिलाउन निर्देशन दिएको जानकारी दिएका छन् ।