च्याम्पियन्स लिग फाइनलः कसले उचाल्ला उपाधि ?

काठमाडाैं । युरोपेली फुटबलको सबैभन्दा प्रतिष्ठित प्रतियोगिता यूईएफए च्याम्पियन्स लिगको फाइनल खेल आज शनिबार बुडापेस्टको पुस्कास एरिनामा हुँदैछ । करिब ६७ हजार दर्शकअघि राति ९ बजेर ४५ मिनेट जाँदा फाइनल खेल सुरु हुनेछ, पुस्कास एरिनामा पहिलो पटक च्याम्पियन्स लिगको फाइनल हुन लागेको हो, जसमा उपाधिका लागि आमनेसामने हुँदैछन् इंग्लिस क्लब आर्सनल र फ्रेन्च क्लब पेरिस सेन्ट जर्मेन (पीएसजी) ।

प्रिमियर लिगको उपाधि जितिसकेको मिकेल अर्टेटाको आर्सनल अहिले आफ्नो इतिहासमै पहिलो पटक च्याम्पियन्स लिग ट्रफी उचालेर डबल पूरा गर्ने लक्ष्यमा छ। तर, उनीहरूको अगाडि फ्रान्सेली च्याम्पियन पेरिस सेन्ट जर्मेन एक विशाल पहाड बनेर उभिएको छ।