जनार्दन शर्माको प्रष्टोक्ति– सम्पत्ति छानबिनको पक्षमा अडिग छु, मिडिया ट्रायलबाट भ्रम सिर्जना गरियो

काठमाडौं- प्रगतिशील लोकतान्त्रिक पार्टी(प्रलोपा)का संस्थापक नेता जनार्दन शर्माले सम्पत्ति छानबिन हुनुपर्ने विषयमा आफूले विगतदेखि नै आवाज उठाउँदै आएको र त्यसमा आफ्नो अडान अहिले पनि यथावत रहेको बताएका छन्।

मंगलबार सामाजिक सञ्जालमार्फत धारणा सार्वजनिक गर्दै शर्माले सम्पत्ति छानबिनको विषय आफूले प्रतिनिधिसभा र तत्कालीन नेकपा (माओवादी केन्द्र) भित्र समेत उठाएको स्मरण गराएका छन्। उनले यस विषयमा आफू अहिले पनि दृढ रहेको उल्लेख गरेका छन्।