लाखे र श्रीकृष्णको तरवार नाचसँगै बर्खेनाच सम्पन्न

म्याग्दीको सदरमुकाम बेनीमा वर्षौँ पुरानो मौलिक संस्कृति बर्खेनाचअन्तर्गत हरितालिका तीजका दिन सोमबार साँझ लाखे र भगवान् श्रीकृष्णबीचको रोचक तरवार नाच प्रदर्शन गर्दै बर्खेनाच समापन गरिएको छ।

नागपञ्चमीका दिनदेखि सुरु भएको बर्खेनाचअन्तर्गत लाखे, गोरु नाच, घोडा नाच, सापारु तथा नागानागिनी नाच प्रदर्शन गरिएको थियो। असत्यमाथि सत्यको विजयको सन्देश दिने परम्परागत लाखे वध हेर्न सोमबार साँझ बेनीको संगमचोकमा बजारवासीको उल्लेख्य भीड लागेको थियो।