रसुवागढी बन्द हुँदा तातोपानी र हिल्सा हुँदै नेपाल भित्रिने यात्रु बढे

काठमाडौं । रसुवागढी नाका अवरुद्ध भएपछि नेपाल–चीन आवतजावतका लागि सिन्धुपाल्चोकको तातोपानी र हुम्लाको हिल्सा नाका वैकल्पिक मार्गका रूपमा प्रयोग हुन थालेका छन्।

भदौ १० गते भोटेकोशी–त्रिशूली नदीमा आएको बाढीका कारण रसुवागढी नाकामा क्षति पुगेपछि चीनको तिब्बतबाट नेपाल फर्किने यात्रुले तातोपानी र हिल्सा नाका प्रयोग गर्न थालेका हुन्।