एआई विकासको गति घटाउने बहस : अल्टम्यान र मस्कको समर्थन, ट्रम्प असहमत

काठमाडौं । कृत्रिम बुद्धिमत्ता (एआई) को विकास अत्यन्त तीव्र गतिमा भइरहेका बेला यसको सम्भावित जोखिम नियन्त्रणका लागि विकास प्रक्रियालाई केही समय सुस्त बनाउनुपर्ने बहस प्रविधि क्षेत्रमा चर्किएको छ ।

एआई कम्पनी एन्थ्रोपिकका प्रमुख कार्यकारी अधिकृत (सीईओ) डारियो अमोदेईले एआई मोडेलको विकास र सार्वजनिक प्रयोगबीच पर्याप्त सुरक्षा परीक्षणका लागि समय छुट्याउनुपर्ने धारणा अघि सारेका छन् । उनले स्वतन्त्र सुरक्षा मूल्याङ्कनकर्तालाई एआई मोडेलमा निरन्तर पहुँच उपलब्ध गराएर जोखिम र सुरक्षा मापदण्डको परीक्षण गर्नुपर्ने प्रस्ताव गरेका हुन् ।