जेनजी आन्दोलनपछि पुनः ठडिँदै भाटभटेनी, बौद्धको स्टोर असार १० गतेदेखि सञ्चालनमा आउने

काठमाडौं । जेनजी आन्दोलनका क्रममा आगजनी गरिएको काठमाडौंको बौद्धस्थित भाटभटेनी सुपर स्टोर भोलि असार १० गते बुधबारदेखि पुनः सञ्चालनमा आउने भएको छ । भाट–भटेनी सुपर मार्केटका प्रमुख सञ्चालन अधिकृतपानू पौडेलका अनुसार भोलिदेखि स्टोरले दैनिक रूपमा नियमित सेवा प्रदान गर्नेछ । ग्राहकहरूको सुविधालाई मध्यनजर गर्दै आधुनिक सुविधा र गुणस्तरीय सेवा उपलब्ध गराउने प्रतिबद्धताका साथ स्टोर सञ्चालनको तयारी पूरा भएको उनले जानकारी दिए ।

जेनजी आन्दोलनका क्रममा ११ वटा स्टोर जलेर पूर्णरूपले नष्ट भएका थिए । साथै बालुवाटास्थित वेयरहाउस पनि आगजनी भएको थियो ।