चितवनमा केराको उत्पादन बढेसँगै बजार मूल्य घट्यो

चितवनमा केराको उत्पादन बढेसँगै बजारमा मूल्य घटेको छ। उत्पादनको मुख्य सिजन र भोटेकोसी–त्रिशूली बाढीलगायतका कारण राजधानी लगायतका ठुला बजारमा सहज रूपमा केरा पठाउँन नसक्दा केराको मूल्यमा गिरावट आएको हो।

चितवनको खैरहनीका किसान इन्द्र सुवेदी एक महिनाअघिको तुलनामा अहिले केराको मूल्य घटेको बताउँछन्। ‘मैले आज प्रतिकोसा पाँच रुपैयाँका दरले चिनी चप्पा जातको २० हजार कोसा बिक्री बिक्री गरेको छु, उनले भने, ‘तर घाटा चाहिँ छैन।’