सत्ता समीकरण भत्काउने कोसिस भइरहेको छ, तर दायाँबायाँ हुने सम्भावना छैन : प्रधानमन्त्री

प्रधानमन्त्री पुष्पकमल दाहालले प्रमुख प्रतिपक्ष कांग्रेस विभिन्न बहानामा सत्ता समीकरण भत्काउने खेलमा लागेको आरोप लगाएका छन् । प्रतिपक्षको काम नै सत्ता समीकरण भत्काउने परम्पराजस्तो देखिएको भन्दै प्रधानमन्त्री दाहालले असन्तुष्टि व्यक्त गरे ।

शनिबार माओवादी संसदीय दलको बैठकमा बोल्दै उनले एकीकृत समाजवादीभित्रको द्वन्द्वका कारण समीकरण भत्काउने कोसिस भइरहेको बताए । एकीकृत समाजवादीका अध्यक्ष माधवकुमार नेपाल भनाइप्रति संकेत गर्दै प्रधानमन्त्रीले सत्ता समीकरण भत्काउने कोसिस भइरहेको बताए ।